L’ALLA convoca la primer prueba de conocencia de gallego-asturiano

|

El sábadu 26 de febreru va tener llugar en Tapia la primer prueba de conocencia de gallego-asturiana o fala. L’Academia de la Llingua Asturiana respuende asina a l’interés de la ciudadanía de la zona pola celebración d’esti esamen escritu y oral.
 
L’Institutu de Tapia va acoyer la prueba de conocencia convocada pola ALLA, per aciu del de la Secretaría Llingüística del Navia-Eo, a partir de les 10 hores. Ésta ta dirixida a tolos “ciudadanos y ciudadanes d'esa fastera occidental d'Asturies que quieran amosar la so conocencia llingüística, al marxe de la so condición profesional y titulación académica”, señalen dende l’ALLA. Les persones interesaes en contar con esti títulu van ser esaminaes de conocimientos llingüísticos básicos, puesto que la prueba ta estremada dafechu de la que va tener llugar en mayu, destinada a docentes d’Educación Primaria y Secundaria, qu'han d'amosar un nivel más altu pa poder cursar el ‘Curso de Capaticación en gallego-asturiano’.
 
El plazu pa matriculase pa esta convocatoria va zarrase’l 24 de febreru a les 19 hores. Ésta pue facese vía teléfonica nel númberu de l’ALLA: 985 21 18 37.

Contador Estadistiques