Juan Velarde echa per IX por "querer que los fíos de los obreros deprendan bable"

L'economista y caderalgu eméritu de la complutense Juan Velarde Fuertes (Salas 1927) que dirixe en La Granda'l cursu "Camoens y Cervantes en perspectiva histórica" declaró nos Cursos de La Granda "Que IX, que tien d'ocupase del nivel d'ingresos de la xente cola renta más baxa y que son los que-yos voten, se dedique a dalgo que ye gastar perres nun tien sentíu y ye una vergoña" Según esplicó Velarde Fuentes "los ricos resulta que manden a los sos fíos a escueles onde-yos enseñen inglés y castellanu, que ye lo que-yos va valer pa la vida".

Pa Velarde ye "perder el tiempu deprender una llingua que nun va a va valer pa nada, nun siendo que s'estudie como complementu igual que se deprende Sánscrito". Pa Velarde Fuertes el que s'enseñe asturianu na escuela pública ye una carga pa los fíos de los obreros, que van cargar col pesu muertu de nun saber inglés como los ricos. Qu'Izquierda Xunida defenda eso ye una vergoña".

L'emponderamientu de la enseñanza del inglés espurriólu tamién l'economista a la TV autonómica, que Velarde Fuertes dixo que yera un gastu inutil y que valía más en cuenta d'ello subvencionar el deprendimientu de la llingua de Shakespeare.

El Conseyeru d'Asuntos Esteriores y Xusticia Javier García Valledor retrucó por alusiones a les declaraciones de Velarde, del que llamentó que se dedique "pontificar dende'l desconocimientu y la ignorancia".