Jose vuelve a Candás

Esti sábadu 4 de setiembre, en Parque Les Conserveres de
Candás va entamar a les 23.30h, l'espectáculu musico-teatral
"José" que recupera la obra d'ambiente marineru del mesmu
títulu del escritor llavianetu Armando Palacio Valdés.



Pablo A. Quiroga Prendes, de l'Asociación Cultural El Santo
Milagro, de Carrió (Carreño) y que l'añu pasáu
dirixere la película "Aida" ye'l director y creador d'esti
espectáculu que va contar cola participación del actor vascu
Txema Blasco, al que'l públicu asturianu recuerda pol so papel de
"Luisón" na pelicula de Javier Maqua "Carne de
Gallina" y que tamién tien participao en proyectos
cinematográficos como "Vacas" de Julio Medem o "Alas de
mariposa" de juanma Bajo Ulloa. Xunta elli,
el proyectu d'esta obra cuenta cola
participación del Grupu de Teatru Nun Tris, la
Coral Polifonica Aires de
Candás, el Grupu
de Baille Tradicional San Félix de Candás y los integrantes
de la candasina "Peña El Nodo".