Izquierda Xunida pide un Plenu estraordinariu del Conceyu d’Uviéu pa tratar l’asuntu de Caxastur

Los conceyales d'IX nel Conceyu d'Uviéu quieren que se celebre un Plenu estraordinariu nel qu'apautar la posición qu'han tener los representantes del conceyu nos órganos de xestión de Caxastur énte'l conflictu llaboral que vive la entidá, que s'espeya nel encierru que tienen dende la selmana pasada representantes sindicales nel centru de pensionistes de la entidá bancaria na capital asturiana.

Pa ello, los conceyales d'IX piden el sofitu de los de los demás grupos representaos na casa conceyu nun escritu en que defende que'l plenu ye "necesariu pa recuperar el diálogu ente la dirección de la empresa y los representantes de los trabayadores". Los miembros d'IX, recuerden que'l conceyu uvieín, en cuantes qu'accionista de Caxastur, tien representación nel Conseyu d'Alministración, Asamblea y Comisión de Control de la caxa.