Izquierda Xunida esixe que se "depuren responsabilidaes" nel casu de la propaganda anónima

El diputáu d'Izquierda Xunida- Bloque por Asturies na Xunta Xeneral del Principáu Aurelio Martín pidió-y al Gobiernu asturianu que "depurare responsabilidaes" pol "fraude de llei" qu'entiende que se cometió al collaborar colos editores del llibru que se reparte estos díes de baldre per Asturies y nel que se fai propaganda de los proyectos del Gobiernu asturianu na presente llexislatura.

P'Aurelio Martín, el volume "Construyendo Asturies. Una visión rexonal del sieglu XXI", valta la normativa aprobada n'Asturies para regular la comunicación y la publicidá institucional. Martín recuerda qu'ún de los artículos de la Llei fala espresamente de que'l Gobiernu sedríaresponsable pol espardimientu "d'un mensaxe común a una pluralidá de destinatarios al traviés d'un soporte publicitariu pagu o cedíu, o de cualquier otra forma". Pal diputáu d'IX, el Gobiernu asturianu "collaboró" cola imprenta editora del llibru "esbillando información y facilitando'lllabor documental y emponderando los llogros del Gobiernu".

Pal diputáu d'IX-BA, el Gobiernu asturianu buscó un entrampiu nel testu de la Llei y implicó a una empresa pública, la constructora Sedes, qu'apaez ente los anunciantes del llibru, dalgo que "obliga a depurar responsabilidaes" acordies a lo que manden la Llei Electoral, la de Publicidá Institucional y la de Financiación de Partíos Políticos,al empar que pidió saber "con cuantes imprentes más va collaborar l'executivu hasta les elecciones autonómiques" de mayu del 2007.