Izquierda Xunida de Mieres pide qu’eche a andar la oficina de normalización

L'agrupación d'Izquierda Xunida de Mieres, al traviés de la conceyala Beatriz González, que fuere responsable del Área de Cultura del conceyu hasta'l branu pasáu, pidió esplicaciones sobre la situación en que s'alcuentra la Oficina de normalización del asturianu del conceyu. Esti serviciu, que llegó a funcionar unos pocos meses l'añu pasáu, taba teóricamente en trámite de volver a echar a andar, siempre dientro del programa de subvenciones qu'entrega la Conseyería de Cultura.


IX de Mieres denuncia que les irregularidaes entamaron yá dende que se decidió echar a andar el serviciu, siendo que Cultura acutó en setiembre del 2005 una partida de 15.600 euros pa subvencionar el serviciu por un tiempu de 6 meses. El conceyu nun dio'l preste a la creación del serviciu hasta ochobre, y esti entamó a funcionar a la fin nel mes de payares. En xineru la persona que llevaba'l serviciu causó baxa y d'entós en p'alantre yá nun hai naide al frente del serviciu.