IX quier que los presupuestos del 2007 faigan un apueste polo social

El Coordinador d'Izquierda Xunida Jesús Iglesias declaróayeri nuna rueda de prensa na que la coalición dio'l so puntu de vista sobre los condicionantes polos que tendría de mandase la ellaboración de los presupuestos xenerales p'Asturies 2007. El representante d'IX declaró que "lo social" tien de ser l'exe de les cuentes asturianes pal 2007 y enfotóse nes posibilidaes del so grupu políticu pa entornar la postura de la FSA dempués de que'l Conseyeru de Facienda Jaime Rabanal adelantare que los presupuestos pal 2007 diben ser "continuistes" y que nun diben xubir más del 7%.

L'inxerimientu nos presupuestos 2007 de midíes pa torgar la emigración de la mocedá asturiano "más allá de l'actual modelu de subvenciones a los empresarios" que pal coordinador d'IX nun comprometen realmente a les empreses tien de ser una d'eses llinies maestres nes cuentes del 2007 pa Jesús Iglesias, que calificó la emigración de la mocedá como "un de los problemes más graves d'Asturies". El refuerzu presupuestariu precisu pa poder echar a andar la Llei de Dependencia y los presupuestos pa vivienda centren tamién l'apueste polosocial d'IX na negociación presupuestaria.

D'otra manera, Jesús Iglesias reconoció nel actu que'l so partíu tien intención de repitir alcuerdu col Bloque por Asturies con vistes a les elecciones del 2007, anque nun adelantó posibles condiciones pa la repetición del alcuerdu nin sobre l'orde de posibles puestos na llista electoral. IX trabaya hasta agora con una llista na que diría Jesús Iglesias de candidatu con Valledor de númberu dos y los diputaos Noemí Martín y Aurelio Martín tres d'ellos. Tampoco hai fecha acutada pa entamar negociaciones ente les dos fuerces.