IX-BA-LV pide que’l cargu de director de TPA dependa de la Xunta Xeneral

El diputáu d'IX-BA-LV, Francisco Javier García Valledor, presentó na Xunta Xeneral una proposición de Llei na solicitando la modificación de l'actual Llei de Medios de Comunicación Social col oxetivu de que sía la Xunta Xeneral l'organismu qu'escueya, por mayoría absoluta, al Director Xeneral del Ente autonómicu, qu'actualmente noma'l Conseyu de Gobiernu.

La proposición, que ye la primera que presenta la coalición desque volviere a ser oposición parlamentaria tres de cuatro años en gobiernu, y espeya tamién la incompatibilidá con otros cargos y el que la Xunta Xeneral podría cesar al director o al Conseyu d'Alministración del énte. La proposición amiesta una dimposición pola cual l'actual director del Ente tendría de cesar nel cargu y quedar en funciones hasta que s'escoyere al so sustitutu.

La formación quier con esta iniciativa que la RTPA "garantice los valores de pluralismu, veracidá y accesibilidá y que tenga un criteriu de serviciu públicu con independencia, neutralidá y oxetividá" dalgo que según IX-BA-LV "vien denunciándose dende munches voces que nun se da dende l'aniciu del Ente".

Según la formación, IX y PSOE yá llevaron alantre una proposición asemeyada en Madrid. Casu de nun votar el PSOE a favor, la proposición podría aprobase colos votos del PP.