IX afirma que nun va facese l’embalse de Caliao si gobierna en coalición col PSOE

El coordinador d'IX d'Asturies, Jesús Iglesias, afitó ayeri la idea de que mientres el PSOE precise de gobernar cola so formación política, "nun va facese l'embalse de Caliao" (Casu). Iglesias, qu'aseguró que l'actual política del Ministeriu va en contra de l'embalse, refirióse como "otra gran amenza pal mediu ambiente" a la incineradora prevista pa Serín na que l'ente COGERSA cuenta con quemar el 80% de los residuos d'Asturies. El coordinador d'IX criticó igualmente'l desarrollu urbanísticu descomanáu de la costa asturiana que "nun respuende" a les necesidaes básiques de la población sinon a los intereses d'empresarios especuladores".

El representante de Los Verdes d'Asturies, Joaquín Arce, que compareció xunto con Iglesias, sorrayó la importancia de la presencia de la so formación na coalición con IX y Bloque por Asturies y declaró que IX-BA-LV apuesta, por una Asturies "más social, más sostenible y con más autogobiernu", inxertando nel programa electoral la recuperación de la Conseyería de Mediu Ambiente y la puesta en marcha d'una estratexa asturiana de desarrollu sostenible, qu'incluye la desapaición de l'actual CUOTA sustituyéndola por un Institutu pal Desarrollu Urbanísticu Sostenible.