IX acusa al PP de traicionar a los asturianos

Les declaraciones del dirixente popular Ovidio Sánchez afirmando que’l so partíu nun diba participar nel procesu de reforma del estatu d’Autonomía d’Asturies repercutieron nel coordinador xeneral d’IX d’Asturies, Jesús Iglesias, qu’acusó al PP de "facer trampa" y de "querer castigar a los asturianos" por nun querer entrar al debate pa la reforma del estatutu. Pa Iglesias, el PP va castigar a los asturianos a tener un estatutu d’autonomía de segunda categoría", ello cuando sí ta entrando a negociar los estatutos d’otres comunidaes autónomes. El dirixente d’IX tuvo ayeri un alcuentru cola dirección del sindicatu UXT d’Asturies dientro de la riestra de contactos que ta faciendo la formación política coles fuerces vives de la sociedá asturiana pa esplicar la so propuesta d’estatutu, qu’entamare va pocos díes cola entrevista cola dirección de CCOO.