Homenaxe a Trevín en Berna

El Centru Asturianu de Berna va facer un homenaxe a la persona d'Antonio Trevín, presidente del Conseyu de Comunidaes Asturianes hasta'l mes de xunetu, cuando dexó'l cargu pa pasar a ser Delegáu del Gobiernu n'Asturies. La convocatoria al actu d'homenaxe sorraya'l valor de Trevín "pol so magnificu llabor a lo llargo de los últimos cinco años al frente de la institución que tramita énte'l Gobiernu tou tipu d'ayudes pa les colectividaes asturianes asitiaes fuera d'Asturies y del territoriu español".



L'actu d'homenaxe va facese esti domingu día 19 de setiembre en Berna, con motivu de la celebración nel Centru Asturianu de la fiesta de la Santina, onde la directiva del centru astur na capital helvética va imponé-y a Trevín la Medaya d'Oru de la institución