Holgado nun va presentase a les eleiciones municipales

El conceyal de Carreño por UNA-Bloque (Compromisu por Carreño) Roberto Holgado nun va presentase a les eleiciones municipales. Anuncia que va trabayar en Somos Carreño.

Nuna entrada nel so Facebook, Holgado señala que pretende descansar "de la primer llinia de la política municipal dempués de cuatro años de dura llexislatura. Hai otres manes que me van dar el relevu. Enxamás tuve mayor apreciu a los cargos, y les circustancies y la voluntá de los mios compañeros y compañeres de Compromisu lleváronme a ser la cara visible de Compromisu por Carreño estos cuatro añinos". Agora'l so papel va ser el de trabayar na candidatura de xunidá popular Somos Carreño pa que "s’afite como l’alternativa ciudadana que Carreño necesita".