Hevia y Milladoiro, na Ascensión d'Uviéu

Ente les milenta actividaes qu'ufierta la feria de l'Ascensión
d'Uviéu tán como tolos años una riestra de conciertos folk, pa la que va contase nesta edición con nomes bien conocíos. Hevia o Milladoiro son dos de les actuaciones que
más rescamplen nel programa d'anguaño.



La música tien abonda importancia na
Feria
de l'Ascensión que fai d'Uviéu la capital del campu asturianu a lo llargo del fin de selmana. Amás del mercáu astur que va asitiase
nel cascu antiguu, les esposiciones y muestres de cultura tradicional, ente elles la
música, que va haber en La Losa, hai programaes dos nueches folk na
plataforma sobre la estación de la RENFE na ciudá uvieina. El
vienres 26 a les 20:00 hores van actuar los Gatos del Fornu, pa dexar
depués l'escenariu a los gallegos Milladoiro, que vienen col discu
"25" resume de la so carrera musical de los últimos 25
años. El sábadu día 27, y dende la mesma hora que'l
vienres, va actuar "Cádaba", el grupu del occidente asturianu
qu'espublizó l'añu pasáu'l so primer discu
"DoySidemol". Darréu de l'actuación de
Cádaba va tocar el gaiteru Hevia que va contar cola collaboración
de Ramón Prada y d'un grupu del Pericote. José Ángel Hevia
ta preparando y grabando nos últimos meses los temes del que tien que
ser el próximu discu.