Hai agua en Marte

Depués del fracasu del robot Beagle 2, que sigue perdíu pela superficie del planeta encarnáu, la misión de l'Axencia Espacial europea en Marte ta acabante d'apuntase un tantu al confirmar la sonda Mars Express, n'órbita alredor del planeta, la esistencia d'agua conxelao nel polu sur marcianu. Pa últimos d'abril el radar de la sonda va poder peritar cuanta agua queda en Marte, onde los científicos creen que va 4.000 millones de años l'elementu corría en líquido pela superficie del planeta. los científicos de la ESA entovía nun saben si l'agua echa l'añu enteru conxelao o si el xelu funde en veranu. La misión europea coincide con otra que ta faciendo la NASA, que sí foi quien a posar el so robot "spirit" na superficie de Marte. Con too y con ello, los americanos lleven dende'l miércoles ensin conexón col robot marcianu.