Gran aceptación de Canal Blogues

Canal Blogues, la canal nueva qu'estrenó ayeri Asturies.com y qu'ufierta a los llectores d'esti mediu l'accesu a lo más nuevo na blogosfera n'asturianu, rexistró ayeri un bon númberu de visites y llamó l'atención de los blogueros asturianos, qu'unviaron les primeres solicitúes pa inxertar les sos páxines nesti serviciu, antoxana al mundu de los blogues na llingua del país. Ente los autores que se dieron d'alta ayeri rescampla'l blog del escritor y políticu Humberto Gonzali o'l blog de música folk Folkesí.