Gonzali Producciones presenta un adelantu de "El tercer home"

Gonzali Producciones adelantó per Internet dos esbilles de “El tercer home”, el próximu llargumetraxe dobláu al asturianu qu’esta productora va estrenar.

 

“El tercer home” ta dirixida por Carol Reed, escrita por Graham Greene y protagonizada por Joseph Cotten y Orson Welles. Nel so día recibió l’Óscar a la meyor fotografía en blanco y negro y munchos la consideren la meyor película británica de la historia.

 

Esti doblaxe ye’l terceru que Gonzali Producciones dobla en llingua asturiana, tres facelo primero con “La nueche de los muertos vivientes” y cola película d’animación “Los viaxes de Gulliver”.