Gatos del Fornu presenten el so discu

"Los Gatos" ya tienen la so tarxeta de visita musical col so primer discu en solitario.

La hestoria d'esti grupu uvieín ye un poco particular, entamaron como una bandina, onde la gaita y el curdión yeren los protagonistes casi únicos del so soníu, el soníu de la formación yera paecíu a lo que conocemos como "La Vierbene", colos que posteriormente compartieron discu, o "La Bandina". Pero adulces el proyectu foi garrando otru camín que fue averándolos al folk, a la formación lleguen les cuerdes, la variedá nes percusiones, un baxu pedal, estos elementos cambien la sonoridá del grupu convertiéndolos más en grupu de folk acústicu qu'en bandina.

El discu ta editáu por "Fono Astur" y entitúlase como'l grupu, "Gatos de Fornu", si queréis conocer más coses sobre discu y el propiu grupu güei ufiertámosvos esta entrevista al grupu fecha por Xandru Osuna nel programa "El Xorrecer d'Asturies", que s'emite tolos vienres a les 19:00 hores nel 106.9 de la FM uvieina.