García Cortina va correr la prueba de ruta del Mundial de Wollongong

|
Iván García Cortina

El ciclista xixonés de Movistar sustitúi a Juan Ayuso (UAE Team Emirates) na convocatoria.

Iván García Cortina va viaxar a Australia pa correr la prueba de ruta del Mundial de Wollongong del día 25. El seleicionador Pascual Momparler confía nel asturianu como refuerzu p'acompañar a Marc Soler, Urko Berrade, Roger Adriá, Jesús Ezquerra, Eduard Prades, Gotzon Martín y Oier Lazkano –que tamién va participar na contrarreló del domingu y na mesta del miércoles 21 xunto con Raúl García Pierna, Iván Romeo, Lourdes Oyarbide, Sandra Alonso y Idoia Eraso– na busca del oru.

Ayuso partía como una de les baces principales del combináu estatal, pero comunicó a la Real Federación Española de Ciclismo ayeri la so decisión d'arrenunciar a participar nel Mundial. El catalán, terceru en La Vuelta, alega cansanciu mental y físicu pa nun desplazase a Nueva Gales del Sur, lo que va permitir a García Cortina a repetir nesta competición depués de les participaciones del 2019 y 2021.

 

Contador Estadistiques