Ganadores del sortéu de los regalos del meyor cantar n'asturianu

Asturies.com da anuncia de los ganadores de los llotes de regalos que sorteaba esti mediu na primer fase del nuestru concursu al Meyor Cantar n'Asturianu 2004.

Estos llotes de regalos, que lleven discos de los nuestros patrocinadores, les cases de discos "L'Aguañaz" y "Fonoastur", van pa Miguel Peña Moro d'Uviéu, Salvador Fernández Vega de Lluanco y Pelayo José González Llanes d'Uviéu. Munches felicidaes a los ganadores, que d'equí a pocos díes van recibir nes sos cases los llotes de regalos.

D'otra manera la segunda fase del concursu avanza, y nestos momentos "Sangre d'Ochobre" ye'l cantar que más votos anque con mui poca diferiencia respective a "Nun mos dexen" de "Tarañu". Con too y con ello nun hai qu'escaecer al terceru en discordia, Pedru Pereira, que col 22 % de los votos inda ye un candidatu a llevar el premiu de los llectores d'Asturies.com. Recordar que'l Conceyu Abiertu onde poder votar ente los trés finalistes escoyíos polos llectores d'Asturies.com va siguir activu hasta'l próximu xueves trés de febreru.