Galicia, Cataluña y Euskadi roblen un conveniu pa normalizar los sos idiomes

Los gobiernos gallegu, catalán y vascu roblaron esta selmana un alcuerdu de collaboración en materia de política llingüística. Al traviés d'un conveniu que se presentó esti miércoles en Congresu de los Diputaos y que va tener una validez de trés años prorogables. Los responsables de Política Llingüística, Miquel Pueyo (Cataluña) Patxi Baztarrika (Euskadi) y Marisol López (Galicia), los trés gobiernos van fomentar la protección de les sos llingües nel ámbitu de l'Alministración del Estáu y de la Unión Europea, cuenten con que valga pa que los sos trés idiomes s'inxeran nes instituciones estatales, nes empreses de serviciu públicu y nos medios de comunicación estatales. El conveniu espeya igualmente la promoción del estudiu de la llingua y cultura minoritaria de les trés comunidaes y l'intercambiu d'esperiencies y estratexes de sensibilización social pa la normalización y la promoción esterior de los productos culturales.