Gales remata'l suministru de corriente

N'Asturies la rede eléctrica llega cásique al 100% de los llugares onde vive xente, y namás delles brañes siguen ensin corriente, por eso sorprende la noticia que llega dende Gales, onde un pueblu enteru de cientos d'habitantes tuvo hasta esta mesma selmana allumándose cola corriente d'un xenerador diesel que pagaben ente tolos habitantes y que namás se prendía 6 hores al día. La xente de Cwm Brieffi, que ye como se llama esta aldea de la Gales minera, nun podía prender más de dos aparatos eléctricos al empar en casa, y inventos como l'aspiradora o el lavaplatos nun teníen munchu xacíu énte lo feble del "suministru". Agora, depués d'una ayuda de la UE, y poniendo cada vecín 7.000 euros, la rede eléctrica ta acabante de llegar a esti pueblu, auténticu anacronismu col qu'acabaron 197 palos de la luz que costaron 240.000 euros