Fueyo va dar una charra en Blimea sobre la recuperación toponímica nel país

|

La direutora xeneral de Política Llingüística va dar esti miércoles en Blimea una charra sobre la recuperación toponímica. L'actividá ta encuadrada nel 'Mes de la Toponimia' de Samartín.

'La Xunta Asesora de Toponimia. El procesu de recuperación toponímica d'Asturies' ye'l nome de la conferencia qu'Ana María Fueyo va protagonizar mañana a les 19 hores na Casona del Bravial col oxetivu de "dar a conocer ente la población el procesu que lleva a la recuperación de los topónimos tradicionales de los pueblos d’Asturies y la so consiguiente oficialización". La direutora xeneral de Política Llingüística va tar acompañada por Gema Suárez, conceyal de Cultura, Educación, Igualdá y Deportes, y por Hugo Cortina, responsable de la Oficina de Normalización Llingüística.

Esta actividá desendólcase dientro de los actos de conmemoración del 'Mes de la Toponimia' en Samartín del Rei Aurelio. Ente elles destaca la esposición sobre los topónimos oficiales del conceyu que se pue visitar na propia Casona del Bravial hasta'l martes próximu n'horariu de 9 a 13 hores –sábadu y domingu, pesllao–, na que se pue utilizar l'aplicación pa dispositivos móviles 'Layar' p'ampliar la esperiencia.

Contador Estadistiques