FSA-PSOE llega a un principiu d’alcuerdu con IX pa que sofite la investidura de Javier Fernández

IX y FSA-PSOE aconceyaron esti xueves pa “tomar una decisión” sobre l’apoyu posible de la coalición a la investidura de Javier Fernández. Dambes formaciones llegaron a un principiu d’alcuerdu na reunión.
 
Asina, el partíu llideráu por Jesús Iglesias votaría a favor del candidatu socialista y, a cambiu, la coalición tendría representación na Mesa de la Cámara. Nes eleiciones del 25 de marzu, el PSOE foi la fuercia más votada y algamó 17 escaños, por 12 de Foro de Ciudadanos, 10 del PP, 5 de IX y 1 de UPyD. Esto fai que’Ignacio Prendes, diputáu de la organización centralista, sía clave a la hora de decidir ente apoyar a la izquierda y la derecha, con un empate téunicu.
 
En principio, l’alcuerdu ye namái d’investidura, anque les dos formaciones nun descarten, una vegada constituyíu’l Gobiernu, que se siga esplorando la posibilidá d’algamar acuerdos puntuales, de llexislatura o de participación nel Executivu.