Fomentu saca a puya'l tramu Unquera-Pendueles

El Ministeriu de Fomentu sacó a puya la obra de construcción del tramu Unquera-Pendueles de l'Autovía del Cantábricu con un presupuestu de 149.798.924 millones d'euros, según informó'l gobiernu central al traviés d'una nota de prensa. El trazáu d'esti tramu cubre'l trayectu ente los conceyos de Llanes y Ribedeva, averáu a la carretera nacional 634 y la llinia de Feve.


Esti trazaú forma parte del tramu Unquera-Llanes de l'autovía del Cantábricu, l'únicu pendiente nel trazáu oriental de la vía rápida y que quedó ensin executar por un contenciosu de los vecinos cola Alministración Central . El llargor del tramu ye de 11,9 kilómetros, entamando na población de Pendueles, xunto al puntu kilométricu 291,7 de l'actual N634 y fina na oriella asturiana de la Ría Tinamayor, xunto a la población de Bustiu.
El proyectu prevé sólo l'enllaz de La Franca que va enxertar cola nacional 634 per aciu d'un pasu inferior con dos retondes, tres ramales directos y otros en llazu.
A lo llargo del trazáu prevénse dos túneles -el de Santiuste y el d'El Peral, cerca de la estación de Colombres-. De la mesma manera, inclúyense cinco viaductos -l'arroyu Novales, dos en Buelna, y los viaductos sobre los ríos Cabra y Aíh.o, asina como'l viaductu de Bustiu-.
También inclúi'l proyectu de cuatro pasos inferiores nel enllaz de La Franca y en Feve, once muries con altures máximes ente 9 y 25 metros.