Folixa en Deva

Les fiestes de la parroquia xixonesa de Deva son esti fin de selmana, xunta les romeríes clásiques d'esta fiesta, hai un conciertu bien interesante pal domingu.

Dende'l vienres seyes hasta'l llunes nueve celébranse en Deva (Xixón) les sos fiestes parroquiales. Nel llugar de nacencia del recordáu esti añu Andrés Solar, va haber cuatro díes de romería, una ufierta de fiesta, prau y música como la meyor forma de pasar el fin de selmana. La novedá nes fiestes d'esti añu vien cola "I Folixa de Deva", que va ser el domingu a eso de les 19:30 hores. Na folixa va tocar la Banda de Gaites Noega de Xixón dirixía por Alberto Varillas, que van sirvir de d'antoxana pa los grupos de la Folixa xunta a una muestra de canción asturiana. Darréu de les gaites de Noega y de la tonada, los primeros en tocar van ser los impredecibles "Los Ciquitrinos", la banda del celebre gaiteru Rubén Arias y compañía de xuru que van ser quien a calecer l'ambiente pa que depués toque "Dixebra", que va ser l'otru grupu que va participar nesta primer "Folixa en Deva".