Fitoria acueye una nueche folk

El branu tien danos cada fin de selmana una posibilidá onde pasar una nueche con música y fiesta, una oportunidá ye esti vienres en Fitoria, Uviéu.

La Sociedá de Festexos de Fitoria y el "Grupu de baille tradicional de Fitoria" entama la tercer edición de la Nueche Folk de Fitoria. Esta nueche ta dientro del programa de fiestes d'esti barriu uvieín, fiestes que van durar dende esti vienres al llunes día 7, y nella vamos poder ver a tres grupos asturianos. La nueche entamará a les 22:30 hores con "Llangres", grupu que llevaba algo de tiempu "desapaecíu" y que vuelven a los escenarios col so "Stura", darréu de los llangreanos vien "La Bandina", que dexó un bon sabor de boca na nueche folk de Trebolgu, y que tan afitándose como una formula perinteresante de facer folk n'Asturies. Pa zarrar la nueche "N'Arba", con cambiu de guitarrista que pa esta actuación va ser Rubén Álvarez, antiguu músicu de "Xéliba" y anguaño en "Ú?".