Fernando Lastra píde-y a Valledor que nun s'asitie como "árbitru moral" de la política asturiana

Dempués de que'l polémicu nomemientu de María Antonia Fernández Felgueroso como nueva Procuradora Xeneral d'Asturies abriere una resquiebra ente la FSA-PSOE y IX-BA, esta afondó un poco mas tres de les declaraciones d'ayeri del diputáu socialista Fernando Lastra, que condenó lo que-y abulta un afoguín por ser el protagonista por parte del Conseyeru de Xusticia Javier Valledor, qu'esti miércoles declarare que'l pautu de gobiernu asturianu taba baxo mínimos.

El portavoz socialista na Xunta Xeneral alvirtió a IX que'l tope de los desalcuentros ente dambes fuerces polítiques alcontrábase n'acción de gobiernu y pidió-y a Valledor que dexe d'asitiase como árbitru moral de la política asturiana. Lastra entrugábase si Valledor yera quien siquieramente a respirar ensin sentir alredor d'elli "la espectación" d'Asturies. No tocante a l'afirmación del Conseyeru de Xusticia na que dicía que PP y PSOE yeren una "rémora pa la rexeneración democrática n'Asturies" Lastra aseguró que Valledor quería ser "protagonista d'una supuesta rexeneración qu'elli sabrá de que dexeneración parte". No que cinca a l'alvertencia d'IX-BA de que d'agora en p'alantre nun van respetar la xunidá de votu cola FSA na Xunta Xeneral, Lastra alvirtió que "hai que ser consecuentes y asumir les consecuencies que tendría una decisión d'eses característiques" anque aclarió que sedría preciso "llegar al momentu en que se derrotaren les posiciones del Gobiernu asturianu na Xunta Xeneral por causa de l'acción d'una de les fuerces que tienen por esi gobiernu pa poder analizar les consecuencies qu'ello pudiere tener".

Lastra defendió, de manera asemeyada a como lo fixere'l popylar Ovidio Sánchez, el nomamientu d'Antonia Felgueroso y el popular Noel zapico en cuantes que pa los cargos de la Procuradoría Xeneral precísense de los trés quintos de la cámara, colo que se facía imprescindible contar col PP.