Estrenes na cartelera asturiana

Munches son les estrenes d'esta selmana nes carteleres del nuesu
país. Ente elles rescampla la producción del canadiense David
Cronenberg -autor de "Crash"o "Spider"- entitulada
"Promesas del Este".
Protagonizada pol actor Viggo Mortensen, qu'interpreta a un xofer d'una
poderosa familia mafiosa rusa, y xunta a l'actriz Naomi Watts van vese
envueltos nuna trama qu'entama pola muerte nel momentu de parir d'una
adolescente rusa y la busca de la so familia por ambos.


Otra de les estrenes ye'l drama dirixíu por Gracia Querejeta -autor
de "El último viaje de Robert Rylands" ente otres
películes- que tien por títulu
"Siete mesas de billar
francés". Protagonizada por Maribel Verdú y Blanca
Portillo, narra la historia de dos muyeres xuníes pola muerte d'un home
y que se ven obligaes a reconstruyir les sos vides. Esta película
algamó dos premios nel recién
Festival de Cine de San
Sebastián, al meyor guión orixinal y la Concha de Plata pa
una de les sos protagonistes, Blanca Portillo. Mas estrenes y tolos horarios
na nuesa cartelera.