Estrenes de la selmana

El cine d'entretenimientu norteamercianu protagoniza les estrenes d'esta
selmana nes pantalles del país. L'actor Will Smith vuelve a les sales de
cine cola película "Soy
leyenda", na qu'inerpreta a un científicu que sobrevive a una
epidemia que terminó cola humanidá. Sicasí, dende la
ciudá de Nueva York tratará de buscar a otros supervivientes nel
mundu, anque vive amenazáu permanetemente poles víctimes mutantes
de la plaga. La película ta dirixida por Francis Lawrence y basada na
novela homónima de Richard Matheson.

Llega tamién a los cines asturianos la segunda parte de la pelicula
"La búsqueda", nesti casu col subtítulu de
"El diario
secreto", y protagonizada otra vuelta por Nicholas Cage,
acompañáu de Jon Voight, Harvey Keitel y Ed Harris. Nesta
ocasión la historia entama col descubrimientu d'un diairu secretu del
aseín del presidente Lincoln, nel qu'implica nel crimen a un
antepasáu del protagonista. Mas estrenes y tolos horarios na
nuesa cartelera.