Éstes son les firmes d'esta fin de selmana na Feria del Libro de Xixón

|
María Esther García López firmando na Feria del Libro de Xixón

El domingu concéntrese la mayor parte d'actividaes sobre títulos n'asturianu.

La Feria del Libro de Xixón (FeLiX) encara la fin de selmana con firmes nos puestos nos que los llectores van poder interactuar con autores y recibir dedicatories nos sos llibros. Les anunciaes pola organización son les siguientes:

Vienres

  • 18 hores: María Perera, traductora de 'Xuan y les fabes máxiques' o 'Los tres gochinos', nel puestu d'Impronta (númberu 35).
  • 19 hores: Vicente García Oliva, autor de 'Xosefa de Xovellanos' o 'Etenko y los patines maraviosos', nel puestu de Pintar-pintar (númberu 2).
  • 19 hores: David G. Ferrero, traductor de 'El gatu con botes' o 'El coríu feu', nel puestu d'Impronta (númberu 35).
  • 19.30 hores: Xuan F. Bas Costales, autor de 'L'escudu d'armes de Xixón. La iconografía de Pelayo', nel puestu de Radagast/Cuatro Gotes (númberu 42).

Sábadu

  • 11.30 hores: Aique Fernandi, autor de 'Lin xube a Carabín' o 'Lin quier esnalar', nel puestu de Pintar-pintar (númberu 2).
  • 12 hores: Nanu González, autor de 'Unes vacaciones bien rares', nel puestu de Trabe (númberu 14).
  • 12.30 hores: Daniel García Granda, autor de 'Prau' o 'Amorina motosierra', nel puestu de Pintar-pintar (númberu 2).
  • 18.30 hores: Adrián Carbayales, autor de 'La Rexenta contra Drácula', nel puestu de Radagast/Cuatro Gotes (númberu 42).
  • 19 hores: Cristóbal Ruitiña, autor de 'El Batallón Galicia' o 'Os albióis pequenos', nel puestu d'Impronta (númberu 35).
  • 19.30 hores: autores de 'Formientu' nel puestu de Radagast/Cuatro Gotes (númberu 42).

Domingu

  • 11 hores: Inaciu Galán, autor de 'Cartes nel horru', nel puestu de Radagast/Cuatro Gotes (númberu 42).
  • 12 hores: Luis Salas Riaño, autor de 'Principio d'incertidume' o 'Al son de medianueche', nel puestu d'Impronta (númberu 35).
  • 12.30 hores: Xesús González Rato, traductor de 'La hestoria inacabable', nel puestu de Radagast/Cuatro Gotes (númberu 42).
  • 13 hores: Ruma Barbero, autor de 'Seltegu', nel puestu d'Impronta (númberu 35).
  • 18 hores: Pablo Fraile y Antonio Acebal, autores de 'Bruxa', nel puestu de Pintar-pintar (númberu 2).
  • 18.30 hores: Blanca Fernández, autora de 'Trovadoresca', nel puestu de Radagast/Cuatro Gotes (númberu 42).
  • 19 hores: Xaime Martínez, autor de 'La fuercia', nel puestu d'Hoja de Lata (númberu 5).

Poesía y alderiques

En 'Poétiques' va haber eventos al rodiu de ‘Pexe les manes’ (Ediciones Trabe) de Milio Ureta (domingu 17.15 hores, Escuela de Comerciu) y de ‘Tayu’ (Ediciones Trabe) de Alejandro Fernández-Osorio (domingu 19 hores, carpa 1). Mentes, na estaya 'Disidencies/Testimoniu' van entamase alderiques ente Aitana Castaño y Pablo Rodríguez Medina (mañana 12 hores, carpa 1) pola obra de la primera ‘Coses nuestres’ (La Cuenca del Nalón): d'Inaciu Galán y Marta Mori (domingu 13 hores, Escuela de Comerciu) centráu en ‘¡Volved las manos al bable! La llingua asturiana nel franquismu’ (Ediciones Trabe): de Xaime Martínez y Alejandro Basteiro (domingu 18 hores, patiu del Antiguu Institutu) sobre ‘La fuercia o les cuatro epifaníes de Martín Feito’ (Hoja de Lata); y de Sidoro Villa con Carlos González Espina (domingu a les 19.45 hores, carpa 2) al rodiu de ‘El fervinchu’ (Impronta).

Amás, el domingu a les 19.45 hores na Escuela de Comerciu va presentase ‘Fortuna’ (VTP Editorial), de Milio Rodríguez Cueto, obra ganadora del I Premiu de Novela Curtia Andrés Solar Santurio. Va conducir l'actu Paz Fonticiella. L’horariu d’apertura de les carpes, asitiaes nel paséu de Begoña y na cai Tomás y Valiente, va ser de 11 a 14.30 y de 17 a 21.30 hores, de güei al sábadu, y de 11 a 14.30 y de 17 a 20 hores, el domingu.

Na semeya, l'autora María Esther García López firma ayeri un llibru nel puestu de Pintar-pintar.

Contador Estadistiques