Espertos europeos presenten un informe sobre l'asturianu

Esta selmana van presentase les conclusiones de la misión de la "Comisión Internacional pa la salvaguarda de los Derechos Llingüísticos n'Asturies", organismu afaláu pola "Association Internationale pour la Défense des Langues et Cultures Menacées" (AIDLCM). La idea de facer esta comisión propunxérase nel añu 2002 pola Academia de la Llingua Asturiana col envís de que se conociere 'in situ' la realidá sociollingüística asturiana, la protección que tien l'idioma y les garantíes xurídiques qu'aboguen por ella.

Los díes 25, 26 y 27 de payares d'aquel añu de 2002 los miembros del Comité ficieron una riestra d'entrevistes cola institución académica asturiana, con responsables d'educación, autoridaes polítiques, grupos parlamentarios, sindicatos, axentes sociales, representantes culturales, etc.

Paul Lefin (Bélxica) presidente de la AIDLCM. Ignasi Vila (España), reconocíu internacionalmente como una de las figures más importantes en el ámbitu de la educación billingüe, Alie Van der Schaaf (Holanda) antropóloga y esperta en minoríes llingüístiques d'Europa, Julio Meirinhos (Portugal) ex-diputáu del Partíu Socialista Portugués y impulsor de la declaración d'oficialidá del mirandés formaron aquella comisión, qu'agora va elevar un informe completu sobre la situación del asturianu al Parlamentu Européu, a les autoridaes asturianes y españoles y a otros organismos y asociaciones internacionales