España, líder en contaminación

Joaquín Nieto, del Departamentu de mediu Ambiente de la Confederación
Sindical de CCOO y José Santamarta, responsable
de la edición en castellanu de la revista WorldWatch presentaron esta mañana un informe sobre emisiones contaminantes a l'atmósfera nel Estáu Español que demuestra qu'España, lloñe yá de ponese na llinia que marcaba'l Protocolu de Kyoto, ta separtándose d'ella
dafechu. Según l'informe, que pues ver enteru calcando equí, les emisiones de gases causantes del efectu invernaderu xubieron espectacularmente nel periodu del 1990 (añu de referencia pal protoculu de Kyoto) al 2002, y solamente nel 2.002 les emisiones de CO2 xubieron un 4,54%, mientres que nel plazu 90-02 esi tantu por cientu llega al 38%

L'informe sorraya que mientres otros países como Alemaña, que baxó les emisiones un 19% nestos 12 años, tan esforzándose por amenorgar el dañu a l'atmósfera, España ye l'estáu industrializáu onde más xubieron les emisiones, más incluso que nos EEXX, que les aumentaron un 16%.
L'informe diz que, de siguir nesti plan, pal periodu 2008-2012 les emisiones n'España podríen pasar nel
60% a les del añu base, colo qu'amás de dañu al mediu ambiente bien podría haber sanciones de la Unión Europea y fadría falta una carga económica bien grande derivada del coste de mercar derechos d'emisión.