Entamen los seminarios del mediu ambiente

L´Institutu de Desarrollu d´Asturies (IDEPA) en collaboración cola consultora Ingenieros Asesores, S.A. entama un ciclu de seminarios nomau "Los Espacios del Mediu Ambiente". Esti ye´l segundu añu que se faen estes xornaes mediuambientales nel Parque Tecnolóxicu d´Asturies. Estos seminarios empobínense a xestores ambientales d´empreses, y van desarrollase ente los díes 5 de setiembre y 14 de payares. Ente los temes específicos van tar el de los suelos, residuos, sistemes de xestión ambiental, auditoría ambiental y dirección estratéxica del mediu ambiente. Estos seminarios son continuación de los que s'entamaren na primavera d´esti añu y nos que s´analizaron temes como normativa ambiental, control ambiental, atmósfera, ruidos y agua. L´oxetivu ye da-yos a los profesionales mediu ambientales de les empreses asturianes una idega del procesu completu de lo que ye una xestión industrial mediuambiental.