Entamen los cursos de l'Academia de la Llingua n'Ibias

Güei 31 de xunetu entamen na Escuela-Hogar de Santantolín d'Ibias los XXIV Cursos de Branu de l'Academia de la Llingua Asturiana. Esta tradicional cita formativa cola cultura asturiana va celebrar nesta edición los cursos elemental y avanzáu de Llingua Asturiana, la serie de cursos d'afondamientu cultural y llingüísticu y la 2ª fase del cursu de capacitación en gallego-asturianu). Los cursos van desarrollase d'equí al 11 d'agostu y nellos hai matriculaes más de 150 persones.

Nel actu d'inauguración, previstu pa la 1 de la tarde van intervenir, amás de la Presidenta de l'Academia, Dra. Ana María Cano González, y del Director de los Cursos, Xosé Antón González Riaño, l'Alcaldesa del Conceyu d'Ibias Nélida Barrero Pantiga, y el Conseyeru d'Educación y Ciencia José Luis Iglesias Riopedre.