Entamen los cursos de l’Academia de La Llingua

L'Academia de la Llingua Asturiana entama güei n'Ibias los sos tradicionales Cursos de Branu, que lleguen con esta a la so XXIII edición.

La ufierta formativa que propón l'ALLA pa estos cursos de branu del 2005 entama colos yá clásicos cursos elemental y avanzáu de Llingua Asturiana, dambos de 60 hores lectives. D'otra manera, el cursu avanzáu plantégase como llave d'accesu a los cursos d'afondamientu, toos ellos de 35 hores llectives y nos que s'inxeren el Cursu de Capacitación pa la Traducción al Asturianu (del 1 al 6 d'agostu baxo la coordinación de Xosé Lluis García Arias) el cursu "Llingua Asturiana ya Internet, nueves aplicaciones educatives" (1 al 6 d'agostu, baxo la coordinación de David Guardado) y tamién los cursos "El Cine Asturianu, aplicaciones educatives" dirixíu por Xosé Bolado y "Otros xuegos y tradiciones populares na enseñanza" coordinau por Roberto González Quevedo, dambos del 8 al 12 d'agostu. Con 15 places convocaes, l'ALLA entama tamién el cursu de Primera Fase de Capacitación en Gallego-Asturiano.