Entamen les campañes contra l'Ecofin

Cuando falten menos de quince díes pa qu'entame n'Uviéu el conceyu del Ecofin, los estremaos colectivos que celebren actos alternativos al cume ministerial yá presenten les sos axendes de conferencies y movilizaciones. Nesti casu, Izquierda Xunida ye la primera n'adelantase conun programa d'actividaes propiu organizáu alredor del novísimu "Foru Social por Asturies" que se presenta güei con rellume de gran ocasión y páxina web propia. Con too y co ello, nun va ser Ia la única organización que faiga actividaes paraleles al conceyu de ministros de la UE, porque'l Foru Social Alternativu, integráu por un garrapiellu grande d'asociaciones y colectivos, ente los que tamién ta la propia IX, organiza'l so foru alternativu ente l'once y el 14 d'abril, anque entovía nun tien un programa zarráu.