Entama la feria de teatru infantil FETEN

Dos espectáculos singulares encabecen les actividaes de l'axenda
d'oicu pa esti fin de selmana n'Asturies. Per un llau'l Teatru Xovellanos de
Xixón va acoyer esti sábadu a les 20:30 a
Astrid Hadad, anguaño una de
les cantantes-actrices más versátiles de México. Actriz,
cantante y diseñadora de los sos vestuarios y guionista de los sos
propios espectáculos, denomínase así mesma como
desarreglista y descompositora. Depués de llevar so propuesta
artística fuera de Méxicu foi aceptada pola crítica
especializao mexicano y agora defínenla como la Janis Joplin de la
música ranchera. Astrid Hadad ye un espectáculu en si,
completamente orixinal en tolos sentíos, so irreverencia y bon humor
asítienla como un estandarte de la irónica comedia
contemporánea.

Per otru llau esti domingu'l Ballet Carmen Roche, de la mano de Tony Fabre y
Olga Margallo, presenta nel mesmo teatru y a les 18:00 la obra
"Cenicienta",
dirixída al publicu mas mozu y que sirve pa inaugurar la Feria Europea
de Teatru pa Neños y Neñes, FETEN 2007, que va celebrase na
villa xixonesa a lo llargo de la próxima selmana. Nesta
producción ufierta a los espectadores una Cenicienta soñadora,
alegre y divertida, capaz de cambiar la so propia suerte. La obra, en palabres
de la directora de la compañía, Carmen Roche, ta enllena
d'orixinalidaes que dan al espectáculu frescura y bon humor. Mas
actividaes pa esti fin de selmana na nuesa
axenda d'ociu.