Entama la cuenta atrás pa les elecciones

El Boletín Oficial del Principáu d'Asturies asoleya na so edición d'esti martes el decretu pol que se convoquen les elecciones autonómiques que van tener llugar el próximu 27 de mayu. 984.463 asturianos tán llamaos a votar esi día pa escoyer a los 45 escaños de la Xunta Xeneral del Principáu (34 pola zona central, seis pol occidente y cinco pol oriente) y a los alcaldes y conceyales de los 78 conceyos asturianos.

Entama d'esta miente la cuenta atrás pa les elecciones autonómiques. La campaña electoral, pela so parte, va emprimar a les 00.00 horas del 11 de mayu.

La mayor novedá respective a les autonómiques del 2006 va ser la xuba nel censu electoral del númberu d'asturianos residentes nel estranxeru, que va pasar de les 57.000 a les 70.300 persones con derechu a votu nes autonómiques. D'otra manera, nes elecciones a conceyos van tener derechu a votu un bon númberu de ciudadanos de dellos países de la Unión Europea y de Noruega censaos n'Asturies, que tienen de presentar una solicitú pa poder votar .