Entama’l XVI Festival de Bandes de Gaites "Villa de Candás"

Esti vienres entama’l Festival de Bandes de Gaites "Villa de Candás", que va prolongase hasta’l domingu y que va contar cola participación de bandes asturianes, gallegues y una agrupación búlgara.
 
El Festival va contar con conciertos y pasucais na villa marinera. Nellos van participar, amás de la banda anfitriona, la Banda Gaites Ribeseya, Llariegu y Villa d’Avilés (Asturies), la Banda Gaitas Xinzo de Limia (Galicia) y la 100 Kaba Bagpipes (Bulgaria). Amás van ufrir conciertos los grupos asturianos Verdasca, la Bandina La Curuxa y la Banda La Tira!.
 
Amás la TPA va dar en directu el Festival esti sábado pela nueche. El programa completu puede consultase nesti enllaz.