El xuráu declaró a Campelo inocente de sobornu

El xuráu popular consideró a la fin inocente al ex conceyal socialista de Llangreú, José Laudelino Campelo, acusáu d'una delitu de sobornu por pidir supuestamente comisiones millonaries a la empresa Codema-Leclcerc que pretendía asitiar un centru comercial en Llangréu.

El xuráu consideró con seis votos a favor y tres a la escontra, "non probaos los fechos nos que l'ex representante socialista del conceyu de Llangréu estorsionara al empresariu Pedro Piñera", amás, el xuráu consideró que "nun se podía probar que les voces qu'apaecíen nuna grabación fueren les del acusáu".
El presidente del xuráu lleó'l veredictu a les 18.15 hores y consideró que Campelo ye inocente de los fechos que se-y imputen. L'acusáu, José Laudelino Campelo, manifestó'l so contentu a la salida de la llectura del veredictu y abrazó a les sos fíes y a la so muyer, visiblemente emocionaes al conocer el fallu.
Campelo comentó que dempués de casi siete años de "calvariu" salió a la lluz la "verdá" a pesar de les dificultaes poles qu'atravesaron nel procesu.