El xuez abre xuiciu oral contra l’alcalde de Ribeseya por dos posibles delitos urbanísticos

El xuez d'Instrucción númberu ún de Cangues d'Onís tien abierta causa contra l'alcalde de Ribeseya, José Miranda, y contra la so muyer al conseñar indicios de dos delitos rellacionados col urbanismu del conceyu. El xuez pidió apertura de vista oral contra l'alcalde por conceder llicencia urbanística a la so muyer pa facer obra nuna finca denominada El Corveru que s'asitia en pueblu de Sardéu y que ta catalogada como d'especial protección. El xuez albidra que tres d'ello puen dase dos delitos, un de prevaricación urbanística y otru contra la ordenación del territoriu por conceder llicencia sabiendo que nun se trataba de suelu urbanizable. L'alcalde yá alvirtió que va recurrir l'autu.