El web de los fartones

Gracies al aporte d'unos llectores, l'equipu d'Asturies.com tuviemos conocencia del potal Fartones.com, una iniciativa d'un garapiellu de xente aficionao a xintar y cenar fuera de casa y qu'aporta dende'l web una mirada nueva y asturiana dafechu a la crítica culinario. Sidreríes, restoranes y cocines de toa triba a lo llargo y ancho del país pasen pel cuchiellu afiláu d'estos críticos, que nun dulden n'espelleyar o allabanciar fogones, serviciu y ambientación, faciendo con ello una guía que nun ye menos que la Michelin o la Campsa y que, na que dende llueu, los locales nun paguen por salir. Atrevémonos a dicir que delles cróniques trescienden la crítica al usu y atiesten colo lliterario, aparte del valir que tien pa escoyer sitiu onde dir a... fartase.