El tríu DRD toca en Xixón

El gaiteru irlandés Jarlath Henderson va collaborar güei domingu 6 na sesión de folk que va entamar el tríu DRD en Xixón.

El Café Trisquel de Xixón acueye güei, a eso de les 21:30 hores, una sesión folk de mano del grupu "DRD", formáu por Diego Pangua cola xiblata, Dolfu Rodríguez nel vigulín y Rubén Bada col bouzouki. Ellí van facer los temes del so próximu discu, que tán grabando estos díes nos estudios "Tutu" de Corvera. Los miembros del grupu tán faciendo ellos mesmos la producción del discu cola ayuda técnica del productor Sergio Rodríguez. Hai que rescamplar que'l grupu ta grabando'l discu en directo , ye dicir, los músicos tán grabando los temes tocándolos xuntos como si fuera un conciertu, y non grabándolos ún por ún como suel facese.

Pal conciertu de güei, y en dellos cantares del discu, va collaborar l'irlandés Jarlath Henderson. Esti gaiteru, del que yá falaremos n'Asturies.com, ye ún de les mayores promeses de la música tradicional irlandesa, preba d'ello ye consideráronlu meyor músicu tradicional según la BBC nel 2003. La calidá d'estos d'esti músicu, xunta la de los asturianos, fai que'l tanto'l futuru discu como esti conciertu de güei seyan bien interesantes.