El Sporting recupera a Pablo Álvarez pa Pontevedra

Pablo Álvarez sal de la llista de lesionaos del Sporting y va tar disponible pa xugar esti domingu en campu del Pontevedra, un estadiu en que l'equipu gallegu nun ganó no que se lleva de temporada y nel que'l Sporting tampoco nunca ganó na historia. Estadística aparte, a la plantiya del Sporting pa esti domingu fálta-y muncho pa tar completa. Casquero, con problemes, ta descartáu, y l'entrenador sabe que tampoco nun pue contar con Dorado por sanción. La sorpresa del otru domingu, el brasileñu Arthuro, ta ente los convocaos, anque nun se sabe cuantu tiempu va xugar nin si va salir de titular.