El Sporting pierde a Valencia

El Nástic de Tarragona ta acabante de dar anuncia de la contratación del rebatiador del Sporting Juanjo Valencia por dos temporaes.

El Sporting va precisar del fichaxe d'otru porteru pa la campaña 2.004-2.005 que-y faiga compañía al gallegu Roberto. Como se comentaba a lo llargo de la selmana, Juanjo Valencia, rebatiador que llevaba delles temporaes na disciplina del equipu asturianu, tenía delles ufiertes ente les que rescamplaba la del Nástic de Tarragona, equipu catalán que-y va dar al futbolista vascu, qu'echó lo más de la campaña pasada en banquillu viendo como Roberto ascendía a titular del equipu, las posibildá de xugar como titular. Valencia, que va presentase seguramente mañana col so nuevu equipu, ye ún de los fichaxes gordos del equipu catalán, que se reforzó pal retornu a segunda tamién cola entrada d'Ibon Begoña (ex-Alavés)

D'otra manera, l'equipu asturianu ta recibiendo estos díes un bastiazu d'ufiertes por Samuel, pero nun hai intención de vender al central de Villaviciosa que ta sirviendo d'imaxe del equipu na campaña de renovación d'abonos y que foi de los xugadores que más minutos tuvieron na campaña 2003-2004 anque tamién de los que más tarxetes llevaron de los árbitrios