El Sporting completa la plantiya la selmana qu'entama la competición

A una selmana del entamu de la competición, el Sporting de Xixón sigue metiendo-y refuerzos a la plantiya. D'una parte, l'equipu ta acabante de recibir cedíu pol Racing de Santander al defensa Neru, que con 90 partíos xugaos en primera, tien de ser xunta Dorado la referencia na llinia de defensa del equipu de Marcelino.

D'otru llau, tres de la marcha de Valencia al Nástic, el Sporting andaba tres d'un rebatiador que completare la plantiya xunta Roberto. L'escoyíu nun ye otru que Rafael, de la Cultural Llionesa. El veteranu rebatiador avilesín (33 años) del equipu llionés de segunda B destaca gracies al so 1.93 d'estatura pola capacidá que tien pa los balones altos. Rafa tien xugao col Málaga y col Uviéu y foi xugador del equipu olímpicu español. Lo más seguro ye que venga al Sporting de baldre, cediendo l'equipu asturianu por elli otros dos xugadores del filial.

El Sporting entama la competición oficial el próximu domingu 29 a les 7 de la tarde n'El Molinón contra ún de los rivales más difíciles, el Recreativo de Huelva