El serviciu de normalización del Cabu Peñes echa a andar en setiembre

Xurde Fernández va ser el responsable del nuevu Serviciu de Normalización del Cabu Peñes. El nuevu serviciu que va atender a la mancomunidá qu'axunta a los conceyos de Gozón y Lluanco va entamar a funcionar a mediaos del mes de setiembre, y el so responsable va ser Xurde Fernández, que salió ganador de la oposición convocada pola mancomunidá. El nuevu responsable de la oficina ta pendiente d'apautar cola Oficina de política llingüística lo que van ser les linies d'actuación pa un primer periodu de funcionamientu.

Con ello, la rede de normalización nos conceyos va dar un pasu alantre que tien de seguise n'otros conceyos pendientes de sacar alantre los sos servicios propios. Nesti sentíu, el siguiente ha ser Siero, onde'l conceyal Nicolás Fernández, responsable de la creación del serviciu de normalización comentó a Asturies.com la intención de pasar, a la vuelta del parón d'agostu, les bases del concursu de la plaza a los técnicos de contratación del conceyu, colo que la convocatoria d'oposición pa la plaza de responsable del serviciupue salir yá pa mediaos de setiembre