El remocicáu Cine Felgueroso acueye la primer proyección del certame Art Nalón

Güei miércoles 3 d'ochobre entama nel cine Felgueroso de Llangréu'l Certame Internacional de Curtiumetraxes Art Nalón, un clásicu que quier dar a conocer el llabor de realizadores mozos de menos de 35 años. La proyección de güei va ser "Nasija" una cinta de Guillermo Ríos basáu na vida d'una muyer d'un pueblu del África Subsahariana a la que condenen a morrer a pedraes acordies cola llei islámica.

La sesión va ser a les 20:00 hores nel Cine Felgueroso de Sama, recuperáu apocayá pa esti tipu d'actividaes . Esta primer sesión del Art Nalon va completase colos curtios "The darkside" una cinta fantástica de José Corral; "No se retire", de Daniel Chamorro, que tien por aregumentu una llamada de teléfonu que garra en mal momentu a la protagonista, "Somos jóvenes", retratu de los mileuristes de Penélope Berral Martín y Alfonso Guijarro García; y "Un hombre tranquilo" historia d'una familia española que firma Arantzazu Gómez Bayón.