El PSOE gana les eleiciones, pero la derecha tien la posibilidá de pautar

El PSOE, con 16 escaños col 100 por cien de votos rexistraos, gana les eleiciones, anque Foro de Ciudadanos y PP podríen pautar pa gobernar. UPyD entra na Xunta Xeneral con un escañu y IX suma unu más hasta algamar cinco.
 
Nesta llexislatura va haber cinco partíos representaos na Xunta Xeneral: PSOE (16 escaños), Foro (13), PP (10), IX (5) y UPyD (1). Con respeuto a les eleiciones anteriores, los socialistes ganen un escañu y la formación liderada por Francisco Álvarez-Cascos pierde trés. Mentes, el PP mantiénse, Izquierda Xunida algama unu más y UPyD consigue’l so primer diputáu n’Asturies na so segunda participación.