El PSOE asoleya les llistes definitives

El Comité federal del PSOE aprebó ayeri les candidaturas al Congresu y el Senáu por Asturies pa les elecciones xenerales del 14 de marzu que propunxere'l 9 de xineru la Federación Socialista Asturiana. Asina, la llista asturiana del PSOE al congresu faenla definitivamente Álvaro Cuesta, secretariu federal de Política municipal, segunda ye María Luisa Carcedo, portavoz del PSOE na Xunta Xeneral del Principáu.

El tercer llugar ye pa Celestino Suárez, quien fuere candidatu a la presidencia del Principáu en 1.995. La cuarta plaza, que, al tenor de los resultaos de les anteriores elecciones ye yá más difícil ye que salga escoyía ocúpala Mariví Monteserín. la quinta plaza, yá cásique ensin posibilidaes de resultar escoyíos al tenor d'elecciones anteriores ocúpala Jesús Gutiérrez y les siguientes hasta facer les ocho son p'Adriana Lastra, Jesús Landeira y Begoña Serrano Ortega.

Na llista al senáu el PSOE propón a José Antonio Alonso, que repite, y a José Carlos Álvarez y Aida Fuentes.